ԵՐԵՎԱՆ, 22 դեկտեմբերի — Sputnik. Երևանի քաղաքապետ Տարոն Մարգարյանի գլխավորած պատվիրակությունը մեկնել է Մոսկվա՝ դեկտեմբերի 21-22-ը «Երևանի օրերը Մոսկվայում» ծրագրի անցկացման նպատակով:Այս մասին տեղեկացնում է Երևանի քաղաքապետարանի մամուլի ծառայությունը։
Տարոն Մարգարյանը պաշտոնական հանդիպում կունենա Մոսկվայի քաղաքապետ Սերգեյ Սոբյանինի հետ, որի շրջանակում նախատեսվում է ստորագրել 2018-2021թթ. համար Երևան և Մոսկվա քաղաքների գործադիր իշխանության մարմինների միջև համագործակցության ծրագիրը:
«Երևանի օրերը Մոսկվայում» միջոցառումների ծրագրի շրջանակում նախատեսված են նաև պաշտոնական այլ հանդիպումներ, նաև մշակութային մի շարք միջոցառումներ:
Հումորիստ Գարիկ Մարտիրոսյանի կինը` Ժաննա Լևինա–Մարտիրոսյանը Instagram–ի իր էջում գրել է, որ իր ամուսինը պարգև է ստացել Երևանի քաաքապետ Տարոն Մարգարյանից։
«Այսօր Երևանի քաղաքապետ Տարոն Մարգարյանը Գարիկին «Արգիշտի Առաջինի» մեդալ է հանձնել` հեռուստատեսության ոլորտում, նաև Երևանի ու Մոսկվայի միջև համագործակցության զարգացման գործում նշանակալի ներդրում ունենալու համար։ Սա Գարիկի առաջին պետական պարգևն է։ Հպարտանում եմ քեզանով։ Դու մեր հպարտությունն ես, դու Երևանի ու Հայաստանի հպարտությունն ես։ Դու քո ժողովրդի արժանի զավակն ես, և 20 տարի է փառաբանում ես քո երկիրն ու նպաստում է ոչ միայն Երևանի ու Մոսկվայի, այլ նաև Հայաստանի ու Ռուսաստանի միջև համագործակցությանը»,–գերլ է նա։
