ԵՐԵՎԱՆ, 22 դեկտեմբերի — Sputnik. Այսօր` դեկտեմբերի 22–ին, ժամը 11։50-ի սահմաններում Նոր Նորք վարչական շրջանի նորոբաց շուկայում տեղի է ունեցել դանակահարություն` մահվան ելքով։
Ինչպես տեղեկացնում է Shamshyan.com—ը խանութից ծայրահեղ ծանր վիճակում՝ դանակահարված, «Սուրբ Գրիգոր Լուսավորիչ» բժշկական կենտրոն է տեղափոխվել մի քաղաքացի։ Վնասվածքը եղել է պարանոցի մասում, վիրավորը հիվանդանոցի ճանապարհին մահացել է։
Ոստիկանությունն ու քննչական բաժինը պարզում են մահացածի ինքնությունը։ Գ. Շամշյանի տեղեկություններով՝ մահացածը 60-ամյա Լևոն Ասատրյանն էր։
Տեղում դեպքի վայրի զննություն են կատարում Ոստիկանության փորձաքրեագետները։
