ԵՐԵՎԱՆ, 21 դեկտեմբերի — Sputnik. Հայաստանի բնակիչներն ավելի շատ գումարներ են սկսել ուղղել բարեգործությանը. նման փոխանցումների ծավալը տարեկան աճել է 2.8 անգամ։ Նման եզրակացության են եկել Յանդեքս.Դրամարկղերի վերլուծաբանները` ուսումնասիրելով հայ օգտատերերի փոխանցումների տվյալները։
«Միջին հաշվարկով, մեկ հայ օգտատերը տարեկան մեկ առցանց նվիրատվություն է անում։ Նվիրատվության միջին գումարն աճել է գրեթե երեք անգամ` հասնելով մինչև 5870 դրամի (12,18 դոլար)», — գրված է հաղորդագրության մեջ։
Նույն վերլուծության համաձայն` Ռուսաստանում փոխանցումների միջին ցուցանիշը կազմում է 12,32 դոլար, Բելառուսում` 8,73 դոլար, իսկ Ղազախստանում` 18,87 դոլար։
Ուսումնասիրության ժամանակ հաշվի են առել 2016 թվականի դեկտեմբերից մինչև 2017 թվականի դեկտեմբերն ընկած ժամանակահատվածում Յանդեքս.Դրամարկղով իրականացրած փոխանցումները, ինչպես նաև նախորդ տարվա տվյալները։
Այսօր Յանդեքս.Դրամարկղի միջոցով վճարումներ են ընդունում աշխարհի ավելի քան 75 հազար առցանց-հարթակներ, այդ թվում բարեգործական հիմնադրամներ` Greenpeace-ը, «Վայրի բնության համաշխարհային հիմնադրամը», «Նվիրի՛ր կյանք», «Հավատ», «Գթասրտություն», «Կյանքի գիծ» և այլն։
