Կարեն Կարապետյան
Մեղրիի ազատ տնտեսական գոտում առաջիկայում կմեկնարկի աշխատանքների երկրորդ փուլը։ Նման հանձնարարություն այսօր պատկան կառույցների ղեկավարներին, կառավարության նիստում տվեց վարչապետ Կարեն Կարապետյանը։
Գործադրի ղեկավարի երկրորդ հանձնարարությունը վերաբերում էր ՀՀ տարածքում գործող անօրինական ձկնաբուծարաններին։ Կարեն Կարապետյանը հանձնարարեց մեկ ամսվա ընթացքում հաշվառել դրանք ու բերել օրինական դաշտ։
Վարչապետը նաև հանձնարարեց վերահսկել ամանորի շուկայի գները։
«Ամանորի առևտրի շրջանում մի քանի անգամ ավելանում է որոշոկի ապրանքների պահանջարկը, ինչն իր մեջ պարունակում է գների անհիմն բարձրացման ռիսկեր»,– ասաց նա` ՏՄՊՊՀ նախագահին հանձնարարելով վերահսկողություն իրականացնել և անհրաժեշտության դեպքում ձեռնարկել անհրաժեշտ միջոցներ։
