ԵՐԵՎԱՆ, 21 դեկտեմբերի — Sputnik. Հիմա ԵԱՏՄ շրջանակում արտադրողների համար պարտադիր պայման է փաթեթավորման վրա նշել, որ մթերքը պատրաստված է գենետիկորեն ձևափոխված օրգանիզմների կիրառությամբ։ Այս որոշումը Եվրասիական տնտեսական միության հանձնաժողովը կայացրել է դեկտեմբերի 20–ին, ասվում է հանձնաժողովի կայքում։
Փոփոխությունը արվել է ԵԱՏՄ–ի Տեխնիկական ռեգլամենտում։
«Հանձնաժողովի նոր պահանջը գնորդներին թույլ կտա ավելի գիտակցված ընրություն կատարել։ Նշանն արվում է այն դեպքում, եթե ԳՁՕ–ի պարունակությունը գերազանցում է 0,9%–ը։ «ԳՁՕ» նշումը պետք է արվի ԵԱՏՄ շրջանառության միասնական նշանի կողքը», – ասել է Կոլեգիայի Անդամ (Նախարար) Վալերի Կորեշկովը։
Ապրանքի նշման մասին գործող տեխնիկական ռեգլամենտը պարտավորեցնում է տեղեկացնել գնորդներին ԳՁՕ–ի պարունակության մասին։ Ավելի վաղ այս տեղեկությունները կարող էին փոքր տառատեսակով տպվել։ Հիմա ռեգլամենտը պահանջում է, որ ԳՁՕ նշանը հեշտ ընթերնելի լինի ու տեսանելի` ապրանքի ժամկետի գործելու ընթացքում։
Բիզնեսի նոր պայմաններին հարմարվելու համար տասներկու ամիս է տրվել. «ԳՁՕ» նշանը մթերքների վրա կհայտնվի 2018 թվականի վերջին։
Եվրասիական հանձնաժողովի խորհրդի նիստի ժամանակ ավելի քան երեսուն հարց է դիտարկվել. ինտեգրացիոն փոխներգործություն, տեխնիկական կարգավորում, արտաքին ու ներքին առևտուր և այլն։
