ԵՐԵՎԱՆ, 21 դեկտեմբերի — Sputnik. Այսօր՝ դեկտեմբերի 21-ին, ժամը 08։30-ից մինչև 09։00-ն ընկած ժամանակահատվածում Գեղարքունիքի մարզի Տորֆավան գյուղի բնակիչ՝ 42-ամյա Սամվել Կարճիկյանը Ծովագյուղ-Շորժա-Ծափաթաղ-Վարդենիս ավտոճանապարհի 56-րդ կմ հատվածում իր վարած ВАЗ 2107 մակնիշի 35 PD 197 համարանիշի ավտոմեքենայով դուրս է եկել ճանապարհի երթևեկելի գոտուց և մոտ 30 մետր մի քանի պտույտ շրջվելով՝ գլխիվայր հայտնվել է դաշտամիջյան հատվածում։
Այս մասին տեղեկացնում է Shamshyan.comy–ը։
Վթարի հետևանքով վարորդը տեղում մահացել է։ Պարզվել է, որ մահացածը ՀՀ ՊՆ N զորամասում պայմանագրային զինծառայող է։ Ականատեսների վկայությամբ` վթարի պատճառը եղել են ավտոմեքենայի առջև հայտնված խոշոր եղջերավոր անասունները, որոնցից վարորդը խույս տալով, հավանաբար, չի կարողացել կառավարել ավտոմեքենան։
