ԵՐԵՎԱՆ, 19 դեկտեմբերի — Sputnik. Ոստիկանության Նոր Նորքի բաժնի հետաքննչական բաժանմունքում նյութեր են նախապատրաստվում դեկտեմբերի 18-ին «Ավան հոգեկան առողջության կենտրոն» ՓԲԸ-ից ստացված դիմումի փաստով։
Ինչպես հայտնում է shamshyan.com-ը, նշված կենտրոնից Ոստիկանության Նոր Նորքի բաժին հայտնել են, որ 1 օր առաջ ինքնավնասումներով իրենց մոտ է ընդունվել մի քաղաքացի։
Նշված կենտրոն մեկնած ոստիկանները պարզել են, որ այդ քաղաքացին Երևան քաղաքի Շինարարների փողոցի բնակիչ՝ 20-ամյա Մարտին Հ.-ն է։
Նա Ավան 7-րդ փողոցում գտնվող «Միրաժ» հյուրանոցային համալիրում ապակու կտորով ինքնասպանություն գործելու նպատակով վնասել է որովայնը։
