ԵՐԵՎԱՆ, 19 դեկտեմբերի — Sputnik. Ըստ ամենայնի, Սերժ Սարգսյանը Հայաստանում իր իշխանությունը կպահպանի նաև խորհրդարանական հանրապետությանն անցում կատարելուց հետո։ Այս մասին երեքշաբթի լրագրողներին հայտնեց ԱՊՀ, եվրասիական ինտեգրման և հայրենակիցների հետ կապի գործերով ՌԴ Պետդումայի Կոմիտեի նախագահի առաջին տեղակալ Կոնստանտին Զատուլինը։
Գործադիր իշխանությունը, որն այսօր Հայաստանում կիսում են նախագահն ու վարչապետը, ամբողջությամբ կանցնի վերջինին, բայց իշխանության մեջ առանձնակի փոփոխություն չի լինի, կարծում է նա։
«Այդ մասին լուրեր են պտտվում, իսկ լուրերը ճշտված են։ Ես կրկին Սերժ Ազատովիչին եմ տեսնում Հայաստանի իշխանության ղեկին` որպես վարչապետ, երբ կավարտվեն նրա նախագահական լիազորությունները։ Ես չեմ կարող Հայաստանի իշխանության հետևորդներին ավելի լավ իմանալ, քան Հայաստանում, բայց պատմությունն ապացուցել է, որ երկիրը կարող է այնպիսի որոշումներ կայացնել, որոնք թույլ կտան ուղին շարունակել առանց լուրջ ներքին կատակլիզմների»,- ասաց Զատուլինը։
Հիշեցնենք, որ 2015 թվականի դեկտեմբերին հանրաքվե անցկացվեց, և հաստատվեցին ՀՀ սահմանադրական փոփոխությունները, որոնց համաձայն` նախատեսվում է անցում կատարել կառավարման խորհրդարանական համակարգի երկրի ներկայիս ղեկավարի իրավասությունների ժամկետի ավարտից՝ 2018 թվականից հետո:
Բարեփոխումների վերաբերյալ քննադատորեն արտահայտվեց ընդդիմությունը` դրանք անվանելով կեղծ ու Սերժ Սարգսյանի իշխանության պահպանմանը միտված։ Սրան ի պատասխան ՀՀԿ-ն և կառավարության ներկայացուցիչները հայտարարեցին, որ Սերժ Սարգսյանը մտադիր չէ վարչապետի պաշտոն զբաղեցնել։ Թե ով կլինի վարչապետը 2018 թվականի ապրիլից հետո, ՀՀԿ-ն դեռ չի հայտնում։
