ԵՐԵՎԱՆ, 19 դեկտեմբերի — Sputnik. Մոսկվայի «Արարատը» ընթացիկ մրցաշրջանի ավարտից հետո կարող է Հայաստանի առաջնությունում հանդես գալու հայտ ներկայացնել: Այս մասին հայտնում է «Матч ТВ»-ն:
Ակումբի ղեկավարությունը կարծում է, որ Ռուսաստանում հաջողությունների հասնելու համար մեծ գումարներ են անհրաժեշտ: Հայաստանում չեմպիոնության համար պայքարն ու Եվրագավաթներին մասնակցելն ավելի իրատեսական է թվում:
«Արարատը» գլխավորում է Ռուսաստանի երկրորդ դիվիզիոնի առաջնության «Կենտրոն» գոտու մրցաշարային աղյուսակը:
Մոսկվայի «Արարատի» նախագահը «Տաշիր Գրուպ» ընկերության սեփականատեր Սամվել Կարապետյանն է:
