Երևանի քաղաքապետարանն առաջիկա 1-2 տարում կլուծի բաց աղբանոցների խնդիրը։ Այս մասին ասաց Երևանի փոխքաղաքապետ Վահե Նիկոյանը։ Նուբարաշենի ներկայիս աղբավայրի հարակից տարածքում նախատեսվում է կկառուցել միջազգային չափանիշներին համապատասխան նոր աղբավայր։ Աղբը կտեսակավորվի, կվերամշակվի, արտանետումները կվերածվեն էլեկտրաէներգիայի։
Փոփոխություններից հետո Նուբարաշենի աղբավայրում շշեր ու այլ ապրանք հավաքող մարդիկ աղբավայրի արդիականացումից հետո կստանան քաղաքապետարանի աջակցությունը։
«Մենք պարտավորություն ենք ստանձնում, որ նրանց սոցիալական խնդիրը կլուծենք։ Մեր ծրագրի իրականացման արդյունքում այդ մարդկանց սոցիալական վիճակն ավելի չի վատանա»,- ասաց Վահե Նիկոյանը։
Քաղաքապետարանում հույս ունեն, որ նոր աղբավայրի կառուցումը կմեկնարկի 2018թ-ի առաջին եռամսյակում և 2 տարի անց շահագործման կհանձնվի։
