ԵՐԵՎԱՆ, 16 դեկտեմբերի — Sputnik. Ռուսաստանում բնակվող Ալեքսանդր Պետրոսյանը լուսանկարում է Սանկտ Պետերբուրգը, քանի որ շատ է սիրում այն քաղաքը, որտեղ ապրում է։ Այս մասին գրում է BIG Picture-ը։
Պետրոսյանի խոսքով՝ Սանկտ Պետերբուրգը քաղաքային լուսանկարչության համար ամենալավ վայրը չէ, քանի որ հյուսիսային մայրաքաղաքում միշտ ցուրտ է, փողոցներն էլ վատ են լուսավորված։
«Ես չեմ հավատում, որ լուսանկարիչը կարող է փոխել աշխարհը… Ժամանակն անցնում է, բայց լուսանկարների շնորհիվ հիշողությունները վառ են մնում։ Նայում եմ լուսանկարներն ու որոշ պահեր վերստին եմ ապրում», — ասում է լուսանկարիչը։
Ալեքսանդրը կարողանում է նկատել քաղաքի առօրյա կյանքի անսովոր դրվագները, մարդկանց հույզերը, ճարտարապետության առանձնահատկությունները։
Sputnik Արմենիան ներկայացնում է Պետրոսյանի ամենահետաքրքիր լուսանկարների հավաքածուն։
