ԵՐԵՎԱՆ, 16 դեկտեմբերի — Sputnik. Արմավիրցի 37-ամյա Սուրեն Հարությունյանը, իմանալով, որ երևանցի մի տղամարդ, ՌԴ սեռական կապ է ունեցել մի կնոջ հետ, որոշել է այդ տեղեկությունն օգտագործել և գումար շորթել։
Նա հանդիպել է տղամարդուն, ներկայացել Սարո անունով ու 70 000 դրամ պահանջել` սպառնալով չվճարելու դեպքում պատմել եղելությունը։
Բայց տղամարդն ամեն ինչ հայտնել է իրավապահներին, որոնք գումարը փոխանցելու պահին ձերբակալել են Սուրեն Հարությունյանին։
Ոստիկանությունը հայտնում է, որ գործի վերաբերյալ քննությունը շարունակվում է։
