Նուբարաշենի աղբավայրի հարակից տարածքում նախատեսվում է կկառուցել միջազգային չափանիշներին համապատասխան նոր աղբավայր։ «Այն ամբողջության մեկուսացված է լինելու հողային շերտից։ Այլևս խնդիրներ չեն ստեղծվի աղբից հոսող ջրերի հողային շերտեր ներթափանցելու հետ կապված, և կունենա բոլոր անհրաժեշտ ենթակառուցվածքները, որոնք պահանջում են միջազգային չափորոշիչները»,– ասաց Նիկոյանը։
Ինչ վերաբերում է Նուբարաշենի և Աջափնյակի տարածքում այսօր գործող աղբավայրերին, նորի կառուցումից հետո, փոխքաղաքապետի խոսքով, դրանք ևս որոշ չափով կբարեկարգվեն։
«Նոր աղբավայրի կառուցումից հետո կունենանք նաև մեկուսացված և գրեթե կանաչապատված հին աղբավայրերի տարածքներ։ Նուբարաշենի հին աղբավայրում կկառուցվի աղբից առաջացող գազերի այրման և դրանից առաջացող էլեկտրաէներգիայի ստացման կայան»,– ասաց Նիկոյանը։
Նոր աղբավայրի կառուցման ծրագրի իրականացման համար մրցույթը կհայտարարվի առաջիկայում։ Քաղաքապետարանում հույս ունեն, որ այն կմեկնարկի 2018թ–ի առաջին եռամսյակում և 2 տարի անց միջազգային չափանիշներին համապատասխան աղբավայրը շահագործման կհանձնվի։
