ԵՐԵՎԱՆ, 15 դեկտեմբերի – Sputnik. Հորդանանցի հայտնի նկարիչ ու անիմատոր Օմար Մոմանիի նոր ծաղրանկարում պատկերված է անգլիական «Մանչեսթեր Յունայթեդի» հայ կիսապաշտպան Հենրիխ Մխիթարյանի շուրջ ստեղծված իրավիճակը։
«Հիմա դուք տեսնու՞մ եք նրան, իսկ հիմա` ոչ։ Սա Մոուրինյոյի նախագիծն է ` ուղղված Մխիթարյանից ձերբազատմանը», – մեկնաբանել է իր ծաղրանկարը Մոմանին։
Ինչպես հայտնել է բրիտանական The Mirror պարբերականը` Ժոզե Մոուրինյոն պատրաստվում է ամռանը ձերբազատվել Հենրիխ Մխիթարյանից, որպեսզի նրա փոխարեն պայմանագիր ստորագրի Մեզութ Օզիլի հետ Արսենալից։
#TheLastJedi is now in cinemas, but the biggest battle of the year is just a week away! #ElClasico
— Omar Momani (@omomani) 14 декабря 2017 г.
فيلم الجيداي الاخير من سلسلة أفلام حرب النجوم الان في صالات العرض، ولكن المعركة الكبرى لهذا العام ستكون بعد اسبوع#starwars #elclasico #barcelona #realmadrid #omarmomani pic.twitter.com/4qsd1PazR6
Մինչ այդ գործընթացները, լուրեր էին շրջանառվում, որ ձմեռային տրանսֆերային պատուհանի ժամանակ Մխիթարյանը գնալու է Մանչեսթեր Յունայթեդից։ Որպես ամենահավանական տարբերակ նշում էին հայ կիսապաշտպանի անցումը «Ինտեր» կամ «Բորուսիա»։
2016 թվականի ամռանը Մխիթարյանը «կարմիր սատանաների» մոտ էր գնացել Դորտմունդի «Բորուսիայից», որի կազմում խաղում էր 2013 թվականից։ Նա «Մանչեսթեր Յունայթեդի» հետ չորսամյա պայմանագիր էր կնքել` մեկ տարով երկարացնելու հնարավորությամբ։ Կիսապաշտպանի փոխնցման համար ակումբը 42 միլիոն եվրո էր վճարել։
