ԵՐԵՎԱՆ, 14 դեկտեմբերի — Sputnik. Հայտնի երգիծաբան և «Ուտոմլյոննիե սոլնցեմ» ՈՒՀԱ թիմի նախկին ավագ Միխայիլ Գալուստյանը փորձարկել է իր նոր զենքը, որը նախատեսված է զինվորական և հատուկ ստորաբաժանումներում մարզվելու համար։ Այդ մասին հայտնում է «Զվեզդա» հեռուստաալիքը։
Ռուսաստանի ռազմամարտական խաղերի ֆեդերացիայի նախագահ լինելով` Միխայիլ Գալուստյանն անձամբ է ցույց տվել, թե ինչով է մարտի լազերային իմիտացիայի համակարգը (ՄԼԻՀ) տարբերվում սթրայքբոլից (թիմային, ռազմամարտական խաղ)։ ՄԼԻՀ–ն առաջին տարին չէ որ կիրառվում է հետևակային զորքերի ուսուցման համար։
Ընդ որում, Գալուստյանը «կռիվ–կռիվ խաղալու» ժամանակ որպես մականուն վերցրել էր հեռուստաէկրանին իր մարմնավորած հերոսի` պահակ Բորոդաչի («Մորուքավորի») մականունը։ Նա ցույց է տվել, թե ինչպես են չեզոքացնում մարտիկին։
«Այս պարագայում սա նախկին մարտական զենք է։ Այստեղ փուչ փամփուշտներ են տեղադրում։ Արդյունքը նման է իրական ռազմական գործողություններին։ Ի տարբերություն լազերթագի, այստեղ ավելանում է հետահարումը, պարկուճը դուրս է թռչում, վառոդի հոտ է գալիս, կրակը լավ է երևում», – պատմել է նա։
Անկախ անգնդակ կրակոցների բարձր ձայնից և միաժամանակ փամփուշտներից դուրս թռչող պարկուճներից, զենքն բացառապես լազերային անդրադարձիչի շնորհիվ է աշխատում։ Զենքը ստեղծողները որպես հիմնական տարբերություն նշում են ներդրած բարձրախոսը, վիբրո ընկալող-հաղորդող սարքը և ջերմային ընկալող-հաղորդող սարքը։
«Այդ երեք սարքերի համադրությունն է թույլ տալիս կրակն արձակելու պահին ֆիքսել կապսուլի բռնկումը», – բացատրել է «Комбаттаг-177» համակարգի մատակարար և զենքի մշակող ընկերության գլխավոր տնօրեն Ալեքսանդր Յակովլևը։
Անվտանգության կանոնների համաձայն` խաղի ժամանակ մասնակիցները պետք է հատուկ բաճկոններ հագած լինեն։ Լազերի «հարվածի» դեպքում ընկալող-հաղորդող սարքը վառվում է և տհաճ ձայն արձակում, ինչը նշանակում է, որ խաղացողը խոցված է։
