ԵՐԵՎԱՆ, 14 դեկտեմբերի — Sputnik. Հայաստանի ՔԿՀ-ներում պատիժ կրող դատապարտյալներին առաջիկայում թույլ կտան օգտվել տեսակապից։ Այս մասին այսօր կառավարության նիստում հայտարարեց արդարադատության նախարար Դավիթ Հարությունյանը` ներկայացնելով «ՔԿՀ-ների ներքին կանոնակարգ օրենքում» համապատասխան փոփոխությունների նախագիծը։
Հարությունյանի խոսքով, նման իրավունքը սահմանվում է, որպեսզի դատապարտյալները չկորցնեն կապը ընտանիքի և հարազատների հետ, հատկապես այն դեպքերում, երբ վերջինները արտերկրում են բնակվում կամ չունեն ՔԿՀ այցելելու հնարավորություն։
Skype-ով զանգելու իրավունք յուրաքանչյուր դատապարտյալի կտրվի ամսվա մեջ 2 անգամ, 20-ական րոպե տևողությամբ։
