ԵՐԵՎԱՆ, 14 դեկտեմբերի — Sputnik. GUCCI իտալական նորաձևության տունը ներկայացրել է 2018 թվականի Pre-Fall հավաքածուի կատալոգը, որում հայտնվել է վրացի մոդել Մարիշա Ուրուշաձեն, հայտնում է Sputnik Գրուզիան։
GUCCI–ի 2018 թվականի հավաքածուի զգեստները Ուրուշաձեն ներկայացրել է այլ հանրահայտ մոդելների հետ միասին։ GUCCI նորաձևության տան հետ մոդելն արդեն երկար ժամանակ է համագործակցում։
Նա սեպտեմբերին դարձել է Gucci իտալական նորաձևության տան էքսկլյուզիվ մոդելը։ Մասնակցել է Gucci Women's and Men's Spring Summer 2018 Fashion Show ցուցադրությանը, որն անցկացվել էր Միլանում սեպտեմբերին։ Էքսկլյուզիվ կարգավիճակը նշանակում է, որ նորաձևության շաբաթվա շրջանակում մոդելն աշխատելու է միայն այն բրենդի համար, որի հետ պայմանագիր ունի։
Մանեկենուհիների համար շատ կարևոր է էքսկլյուզիվ մոդելի կարգավիճակ ստանալը, քանի որ դա ուղեգիր է նորաձևության համաշխարհային ինդուստրիա։
Ուրուշաձեն «Look Models» վրացական գործակալության մոդել էր, գործակալության շնորհիվ նա կարողացավ միջազգային հարթակ դուրս գալ։ Աշխատել է Փարիզում և այլ քաղաքներում GIVENCHY, ELLE, MARGIELA, DIESEL հայտնի ապրանքանիշների հետ։ Համագործակցել է նաև NEXT ամենահայտնի ամերիկյան մոդելային գործակալության հետ, որտեղ երազում է հայտնվել յուրաքանչյուր մոդել։
