ԵՐԵՎԱՆ, 13 դեկտեմբերի — Sputnik. Նախօրեին YouTube–ում հայտնվել է մի տեսանյութ «ՎԻԱ գրա» հայտնի խմբի նախկին մասնակիցներ Վերա Բրեժնևայի և Սվետլանա Լոբոդայի մասնակցությամբ, տեսահոլովակը նկարահանվել էր «Կրոկուս–Սիթի–Հոլի» համերգասրահում։
Ելույթը տեղի էր ունեցել դեկտեմբերի 10-ին։ Բրեժնևան երգը կատարել էր համարձակ կիսաթափանցիկ զգեստով, զգեստի հեղինակը ուկրաինահայ դիզայներ Հայկ Ավանեսյանն է։
«Վերա Բրեժնևայի զգեստը նոր հավաքածուից է», – Facebook –ի իր էջում` տեսահոլովակի տակ գրել է նկարիչ–դիզայները։
Ընդամենը մեկ օրվա ընթացքում տեսահոլովակը դիտել է ավելի քան 5 հազար մարդ։ Իսկ Ավանեսյանի գրառումը մի շարք հիացական արձագանքների է արժանացել։
Հիշեցնենք, որ վերջերս հայտնի կատարողը ելույթ էր ունեցել հայ դիզայների ստեղծած հիասքանչ կարմիր զգեստով։
Կիևում դեկտեմբերի 5-ին մեծ հաջողությամբ անցկացվել էր Հայկ Ավանեսյանի նոր հավաքածուի ցուցադրությունը։ Ցուցադրության առանցքային կերպարը հայտնի սևամորթ մոդել Էմի Գրեյսն էր, որը բեմ էր դուրս եկել շքեղ ձեռագործ զգեստով։
