ԵՐԵՎԱՆ, 13 դեկտեմբերի — Sputnik. Անգլիական «Մանչեսթեր Յունայթեդի» երկրպագուները հայ կիսապաշտպանին Բորնմուտի հետ պրեմիեր լիգայի հերթական խաղին նախապատրաստվող ֆուտբոլիստների շարքում չեն տեսել։
«Լրագրողները ֆիքսել են խաղին նախապատրաստվող խաղացողների ժամանումը հյուրանոց։ Եվ կրկին Մխիթարյանից ոչ մի տեղեկություն, հավանաբար Հենրիխը` վերջ…», – հայտնում է «Մանչեսթեր Յունայթեդի» ռուսախոս երկրպագուների միության Facebook–ի էջը։
Մարզական այլ ԶԼՄ–ներ, որոնք հայտնում էին «Բորնմուտի» հետ խաղում «Մանչեսթեր Յունայթեդի» նախնական կազմը, նույնպես չեն նշել Մխիթարյանի անունը մեկնարկային կազմում։
Ավելի վաղ ԶԼՄ–ներում տեղեկություն էր հայտնվել «Ինտեր» Մխիթարյանի հավանական տեղափոխման մասին։ Հենրիխ Մխիթարյանի և Ժոզե Մոուրինյուի հանդիպման արդյունքում որոշվել էր ֆուտբոլիստին տրանսֆերի հանել։
