ԵՐԵՎԱՆ, 13 Դեկտեմբեր — Sputnik. Այսօր՝ դեկտեմբերի 13-ին, ժամը 16:00-ի սահմաններում Լոռու մարզի ոստիկանության Տարոնի բաժին ահազանգ է ստացվել, որ Տարոն թաղամասի սկզբնամասում գտնվող կամրջի տակ՝ գնացքի գծերի վրա, տղամարդու մասնատված դի կա:
Այս մասին տեղեկացնում է Shamshyan.com—ը։ Ոստիկաններն ու քննիչները գնացքի գծերի վրա հայտնաբերել են Վանաձոր քաղաքի բնակիչ, 50-ամյա Սամվել Գևորգյանի դին՝ մարմինը մի քանի մասի բաժանված, ինչը ենթադրել է տալիս իրավապահերին, որ նրա մարմնի վրայով գնացք է անցել:
Փաստի առթիվ քննիչ Ա. Քալաշյանի կողմից նյութեր են նախապատրաստվում՝ պարզելու համար ինչպես մահվան, այնպես էլ դեպքի հանգամանքները:
