Արթուր Խաչատրյան
Շիրակի մարզում 162 ընտանիք առ այսօր չի ստացել ո՛չ բնակարան, ո՛չ դրամական փոխհատուցում` երկրաշարժի ժամանակ կորցրած իրենց տների դիմաց։ Sputnik Արմենիային ասել է Շիրակի մարզպետ Արթուր Խաչատրյանը։
Նրա խոսքով` մարզպետարանը վերջերս 7 համայնքի 8 ընտանիքի կարողացել է գումար տրամադրել։
«Տրամադրվել է որոշակի դրամական փոխհատուցում երկրաշարժի հետևանքով կորցրած տների փոխարեն նոր տների կառուցման կամ գնման համար։ Ձեր գումարն է, կուզեք նոր տուն գնեք, կուզեք կառուցեք»,– ասել է մարզպետը։
Արթուր Խաչատրյանը հերքում է այն հայտարարությունները, թե պետությունը ձեռքերը լվացել է։ Նա վստահեցնում է, որ հնարավորության սահմաններում շարունակելու է աջակցությունը երկրաշարժից տուժածներին։
