Ատոմ Մարգարյան
Նախկինում շատ է եղել, երբ արտաքին վարկերը ներգրավվելուց հետո ծախսվել են ընթացիկ ծախսերի, աշխատավարձերի, կենսաթոշակների, նպաստների վճարման նպատակով։ Sputnik Արմենիայի հետ զրույցում, անդրադառնալով կառավարության վերցրած վարկերի արդյունավետ օգտագործման խնդրին, ասել է տնտեսագետ Ատոմ Մարգարյանը։
«Ըստ էության այս վարկերը երկարաժամկետ տնտեսական աճի ու զարգացման խնդիր չեն լուծել, և սա իրողություն է»,– ասել է Մարգարյանը` դրանով բացատրելով նաև 2017-ի վերջին ՀՀ արտաքին պարտքի` ՀՆԱ–ի 60 տոկոսի շեմը հատելու հանգամանքը։
Տնտեսագետի համոզմամբ ՀՀ կառավարություն պետք է վերահսկի վարկային շեմի ավելացման միտումն ու ձեռնպահ մնա հետագայում ևս վարկային բեռն ավելացնելուց, հատկապես, որ հաջորդ տարվանից դրա սպասարկման բեռը ծանր է լինելու։
