Գայանե Սահակյան
ՀՀ տարածքում գործող պոլիկլինիկաների մանկաբույժները, ընտանեկան բժիշկներն իրենց տեղամասերում ճշտում են պատվաստումների ենթակա երեխաների թիվը, պլանավորում են, զրուցում ծնողների հետ, որից հետո որոշում են, թե ով երբ է այցելելու պոլիկլինիկա` պատվաստվելու։ Այս մասին Sputnik Արմենիային հայտնեց ՀՀ ԱՆ Իմունականխարգելման ազգային ծրագրի ղեկավար Գայանե Սահակյանը։
«Ծնողները գերադասում են երեխաներին պատվաստել դպրոցական արձակուրդների օրերին։ Երբ հարմար կլինի իրենց, արդեն կայցելեն պոլիկլինիկա կամ տեղամաս»,- ասաց Սահակյանը` մեկնաբանելով պատվաստման շահառուների ոչ ակտիվ մասնակցությունը։
Նա վստահեցրեց` պատվաստումները կատարվելու են բացառապես պոլիկլինիկաներում։ Դպրոցներում աղջիկներին համատարած պատվաստելու մասին խոսակցություններն անհիմն են։
