ԵՐԵՎԱՆ, 11 դեկտեմբերի — Sputnik. Ռուսաստանի Դաշնության նախագահ Վլադիմիր Պուտինը հանձնարարել է ռուսական զինվորական ստորաբաժանումները դուրս բերել Սիրիայից։ Այս մասին հայտնում է ՌԻԱ Նովոստին։
Նա հայտնել է, որ Սիրիայում մշտական հիման վրա կգործեն ռուս զինվորականների բազավորման երկու հենակետ՝ Տարտուսում և Հմեյմիմում։
«Ստեղծվել են և մշտական հիման վրա կգործեն բազավորման երկու հենակետեր՝ Տարտուսում և այստեղ՝ Հմեյմիմում»,-ասել Է նա՝ ելույթ ունենալով Հմեյմիմի ռուսական ռազմակայանի զինվորականների առջև:
Ռուսաստանի նախագահ Վլադիմիր Պուտինը դեկտեմբերի 11-ին ժամանել Է Սիրիայում գտնվող «Հմեյմիմ» ռուսական ավիաբազա։ Ելույթ ունենալով ավիաբազայի զինծառայողների առջև՝ ՌԴ զինված ուժերի գերագույն գլխավոր հրամանատար Պուտինը հրամայել է սկսել ռուսական զորախմբի դուրսբերումը Սիրիայից:
«Պաշտպանության նախարարին, գլխավոր շտաբի պետին հրամայում եմ՝ ձեռնամուխ լինել ռուսական խմբավորման զորքերի դուրսբերմանը նրանց մշտական տեղաբաշխման վայրեր»,- հայտարարել է Պուտինը:
Դեկտեմբերի 6-ին ՌԴ գլխավոր շտաբը հայտարարել է, որ Սիրիան ամբողջությամբ ազատագրված Է ահաբեկիչներից, ԴԱԻՇԻ-ի բոլոր ելուզակախմբերը ոչնչացված են:
