ԵՐԵՎԱՆ, 11 դեկտեմբերի – Sputnik. ՌԴ Կալինինգրադի շրջանում Ռուսաստանի ՔԿԱԳ (ԶԱԳՍ)–ի պատմության մեջ եզակի դեպք է գրանցվել` 2 եղբայր` Էդուարդ և Արմենակ Հակոբյանները ամուսնացել են երկու քրոջ` Ալվինա և Անահիտ Ավետիսյանների հետ, գրում է nivenskoe.com–ը։
«Այս զույգերի ամուսնությունն անսպասելի էր բոլորի համար։ Երիտասարդներն հետաքրքիր նվեր եմ մատուցել Կալինինգրադի ՔԿԱԳ (ԶԱԳՍ)–ին` ՌԴ–ում ՔԿԱԳ (ԶԱԳՍ)–ի 100 ամյակի կապակցությամբ»,–ասված է հոդվածում։
Վերջին 17 տարիների ընթացքում սա առաջին դեպքն էր, որ ամուսնություն գրանցվեց երկու եղբայրների և երկու քույրերի միջև։
Պարզվեց, որ նրանք հանդիպել են պատահաբար, ընդհանուր ծանոթի ընտանեկան իրադարձության ժամանակ։ Միջոցառումը բավականին ուշ է ավարտվել, քույրերը փորձել են տաքսիով տուն հասնել, բայց եղբայրներն առաջարկել են նրանց տուն տանել իրենց մեքենայով։
«Մի բաժակ սուրճի հյուրասիրությունը մեր երախտագիտություններ եղբայրներին` մեզ ապահով տուն հասցնելու համար։ Քիչ–քիչ պարզ դարձավ, որ մեր հանդիպումը կանխորոշված էր»,–պատմել է Անահիտը։
Նրա խոսքով` պատահաբար ինքն իր հեռախոսը մոռացել է Էդուարդի ավտոմեքենայի մեջ։ Իսկ 2 շաբաթ անց, տղայի ծնողներն արդեն իրենց տուն խնամախոսության են եկել։
Արմենակն ու Ալվինան էլ են միանգամից հավանել մեկմեկու։ Կարճ ժամանակ անց զույգերն ամուսնացել են, իսկ այսօր արդեն սպասում են իրենց առաջնեկներին։
