ԵՐԵՎԱՆ, 11 դեկտեմբերի — Sputnik. Դեկտեմբերի 10-ին, ժամը 13:18-ին ահազանգ է ստացվել, որ Երևան քաղաքի Ամիրյան փողոցի և Մաշտոցի պողոտայի խաչմերուկում տեղի է ունեցել վրաերթ, տուժածը գտնվում է երթևեկելի գոտում. անհրաժեշտ է փրկարարների օգնությունը:
Այս մասին տեղեկացնում է ՀՀ ԱԻՆ մամուլի ծառայությունը։
Դեպքի վայր է մեկնել մեկ մարտական հաշվարկ: Պարզվել է, որ 1984 թ. ծնված Ա. Ս.-ը «Nissan Primera» մակնիշի 35 MT 144 պետհամարանիշով ավտոմեքենայով վրաերթի է ենթարկել 1984 թ. ծնված Հ. Հ.-ին:
Մինչ փրկարարների՝ կանչի վայր հասնելը Հ. Հ.-ը հոսպիտալացվել է «Էրեբունի» ԲԿ:
