ԵՐԵՎԱՆ, 10 դեկտեմբերի – Sputnik. Վրաստանի նախկին նախագահ, Միխեիլ Սահակաշվիլին խնդրել է իր կնոջը՝ Սանդրա Ռուլոֆսին, դառնալ իր հանրային ներկայացուցիչը, հաղորդել է նրա փաստաբան Ռուսլան Չեռնոլուցկին։
Այդ մասին հաղորդում է ՌԻԱ Նովոստին՝ հղում անելով NewsOne հեռուստաալիքին։ Չեռնոլուցկիին հաղորդել է այդ տեղեկատվությունն ակտիվիստների առջև ելույթի ժամանակ մեկուսարանի դիմաց, որտեղ պահում են քաղաքական գործչին։
«Սահակշվիլին խնդրել է իր կնոջը դառնալ իր գլխավոր խոսնակը, հանրային ներկայացուցիչը, որպեսզի պաշտպանի նրա իրավունքները և ազատությունները։ Կարծում եմ, որ մենք հիմա նրա կնոջ հետ կկարգավորենք աշխատանքը, ինչպես նաև կապահովենք Սանդրա Ռուլոֆսի ներկայությունը քննչական մեկուսարանում», — ասել է Չեռնոլուցկին։
Մինչ այդ Սահակաշվիլու կինը Facebook-ում հայտարարել է «Իմպիչմենտի համար» բողոքի ակցիային մասնակցելու մասին, որը տեղի է ունենալու դեկտեմբերի 10-ին, Կիևում։
48-ամյա Ռուլոֆսն ունի Վրաստանի և Նիդեռլանդների քաղաքացիություն։ Սահակաշվիլու հետ ծանոթացել է Ստրասբուրգում, 1993թ-ին։
