ԵՐԵՎԱՆ, 10 դեկտեմբերի – Sputnik. Հայազգի քաղաքական ակտիվիստներ Նուրքան Վայչ Աքսուն և Ջեմիլ Աքսուն ուրբաթ օրը մի քանի շաբաթյա բանտարկությունից հետո ազատ են արձակվել թուրքական բանտից, հաղորդում է Armenian Weekly-ն։ Քաղաքական ակտիվիստ Նուրքան Վայչ Աքսուն կալանավորվել էր հոկտեմբերին։
Նրա ամուսինը՝ լրագրող և բնապահպան Ջեմիլ Աքսուն, մի քանի օր անց ձերբակալվել էր Արդվին քաղաքում՝ իբր սոցիալական ցանցերում «հանցագործությունը և հանցագործներին գովաբանելու» համար։
Հաղորդվում է, որ Վայչն իրավապաշտպան է և Հալածյալների սոցիալիստական կուսակցության անդամ։ Աքսուն ընդդիմադիր Ժողովրդադեմոկրատական կուսակցության տեղի համանախագահն է և «Գոռ-Հեմշին» մշակութային ամսագրի խմբագիրներից մեկը։
Զույգը ծնունդով Արդվին նահանգից է։ Ամուսինները քննադատել են թուրքական կառավարությանը և Ռեջեփ Թայիփ Էրդողանին։
