ԵՐԵՎԱՆ, 10 դեկտեմբերի — Sputnik. Հայ գրոսմայստեր Գաբրիել Սարգսյանը 7,5 միավորով դարձավ London Chess Classic FIDE Open–ի հաղթողը։
Մեր մյուս շախմատիստը` վերջին տուրում առաջատար Հրանտ Մելքումյանը, վերջին հանդիպման ընթացքում ոչ ոքի խաղաց և լրացուցիչ միավորներով զբաղեցրեց 2–րդ տեղը։
Կրկին 7,5 միավորով 3–րդ տեղում հայտնվեց Ֆրանսիայի ներկայացուցիչ Սեբաստիան Մազեն։
Մրցաշարն անցկացվել է դեկտեմբերի 2–ից 9–ը Լոնդոնում։ Առաջին տեղի մրցանակային ֆոնդը 5000 ֆունտ ստերլինգ է։
