ԵՐԵՎԱՆ, 10 դեկտեմբերի — Sputnik. Հայաստանը զբաղեցրել է 4–րդ հորիզոնականը` Եվրոպայի աղքատ երկրների ցուցակում։ Այս ցանկը կազմվել է ուկրաինական վերլուծական Texty.org.ua կենտրոնի ուսումնասիրությունների հիման վրա, թե Եվրոպայի որ երկրում են մարդիկ ստանում ամենացածր աշխատավարձը՝ հարկերի վճարումից հետո։
Ցուցակի առաջատարն Ուկրաինան է, որի բնակիչն աշխատում է 190 եվրո։
Երկրորդ տեղում Մոլդովան է, որտեղ աշխատավարձը կազմում է 216 եվրո, «աղքատների» եռյակը եզրափակում է Ադրբեջանը, որտեղ աշխատող մարդը կարող է ակնկալել 232 եվրո աշխատավարձ։
Հայաստանը 4-րդ հորիզոնականում է` 251 եվրո ցուցանիշով։ Հայաստանին հաջորդում է Վրաստանը (293 եվրո)։
Ռուսաստանցիներն աշխատում են միջինը 474 եվրո (11-րդ հորիզոնական)։
Ինչ վերաբերվում է աշխատավարձի մակարդակով ամենահարուստ պետություններին, առաջատարը Շվեյցարիան է (4421 եվրո), այնուհետ Իսլանդիան (3440 եվրո) և Նորվեգիան (3405 եվրո)։
