«18–րդ դարում պետականությունից զուրկ ժողովրդի համար շատ կարևոր էր, որ մարդկային փոքրիկ մի խումբ` ծվարած Սուրբ Ղազարում, կարողանում է իր ուսերի վրա տանել մի ամբողջ ժողովրդի պատմամշակութային ժառանգությունն ու ծանրությունը։ Մենք պարտավոր էինք մեր վերաբերմունքը ցույց տալ Մխիթարյան միաբանության 300 ամյակին»,–ասաց Փիլիպոսյանն` ի նկատի ունենալով օրերս Հայաստանում կայացած գիտաժողովն ու ցուցահանդեսը։
Հիշեցնենք, որ «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի նախաձեռնությամբ անցկացվեց Մխիթարյան միաբանության Վենետիկի Սուրբ Ղազար կղզի մուտք գործելու 300 ամյակին նվիրված գիտաժողով
«Զվարթնոց» պատմամշակութային արգելոց թանգարանում բացվեց «Կղզյակ, որ մեզ ետուր արև» խորագիրը կրող ցուցահանդեսը: Ներկայացվեց Վենետիկում Մխիթարյանների նախաձեռնությամբ տպագրված 15 անուն գիրք, Քյոթահիայի (Կուտինա) հախճապակե իրեր, Մխիթարյաների` մեծանուն հայ գրող Ավ. Իսահակյանին նվիրած հուշամեդալը: Նաև` Մխիթարյան միաբաններից Ղ.Ալիշանի ինքնագիրը, Արսեն Բագրատունու լուսանկարը (գրավյուրա) և օրագիրը (բնօրինակը):
