ԵՐԵՎԱՆ, 9 դեկտեմբերի — Sputnik. Այսօր տեղի կունենա առողջապահության նախկին նախարար Դերենիկ Դումանյանի կրտսեր որդու՝ Հրանտ Դումանյանի հարսանիքը։ Այս մասին գրում է «Հրապարակ» օրաթերթը` նշելով, որ Դումանյանը «Բիանկոդենտ» ստոմատոլոգիական ընկերության սեփականատերն է։
«Դերենիկ Դումանյանը և նրա ավագ որդին՝ Գուրգեն Դումանյանը, որ նախկինում ԱԺ աշխատակազմի ղեկավարն էր, ապա կառավարության աշխատակազմի ղեկավարի տեղակալը, տարիներ առաջ զրկվեցին աշխատանքից, բայց, ըստ ամենայնի, պահպանել են կապերը ՀՀԿ վերնախավի հետ»,- գրում է թերթը։
«Հրապարակի» տեղեկություններով, Դումանյան կրտսերի հարսանյաց արարողությունը տեղի կունենա «Ֆլորենս» ռեստորանում, հարսանիքին հրավիրված են Սերժ Սարգսյանն ու տարբեր ՀՀԿ-ականներ՝ նախկին ու ներկա պատգամավորներ, կառավարության պաշտոնյաներ»։
