ԵՐԵՎԱՆ, 8 դեկտեմբերի — Sputnik. ՀՀ Շիրակի մարզում գտնվող ընկերությանը պատկանող ռեստորանային համալիրի տարածքում պահվող արջը դեկտեմբերի 6-ին տեղափոխվեց Երևանի կենդանաբանական այգի։ Այս մասին հայտնում է ՀՀ բնապահպանության նախարարության մամուլի ծառայությունը։
![Перевозка медведя из гюмрийского ресторана в ереванский зоопарк Перевозка медведя из гюмрийского ресторана в ереванский зоопарк - Sputnik Արմենիա](https://cdn.am.sputniknews.ru/img/973/09/9730977_0:0:1152:1393_600x0_80_0_0_c851de26efe65f9f5fc65e2902f5c1df.jpg)
Կենդանաբանական այգու համապատասխան մասնագետները Մաշա անունով 2 տարեկան արջին նախ քնեցրել են, ապա տեղափոխեցին Երևանի կենդանաբանական այգի, որտեղ արջը կմնա մինչ կարանտինային շրջանի ավարտը, ինչից հետո մասնագետները կորոշեն նրա հետագա ճակատագիրը։
Մաշան Երևան բերվեց ՀՀ բնապահպանության նախարարության բնապահպանության և ընդերքի տեսչական մարմնի և Վայրի բնության և մշակութային արժեքների պահպանության հիմնադրամի համագործակցության շրջանակում, «Ոսկե Բլուր» ՍՊԸ տնօրինության հետ ձեռք բերված եռակողմ համաձայնությամբ։
![Перевозка медведя из гюмрийского ресторана в ереванский зоопарк Перевозка медведя из гюмрийского ресторана в ереванский зоопарк - Sputnik Արմենիա](https://cdn.am.sputniknews.ru/img/973/10/9731044_0:0:1152:1714_600x0_80_0_0_476ba55705b159cdc14ec0aac5f256a5.jpg)