ԵՐԵՎԱՆ, 8 դեկտեմբերի — Sputnik. Եվրոպական երկրները կսկսեն ավելի մեծ թվով անլեգալների Հայաստան վերադարձնել։ Այդ մասին Sputnik Արմենիայի թղթակցի հետ զրույցում ասաց ՀՀ միգրացիոն պետական գործակալության պետ Գագիկ Եգանյանը։
Ինչքան ավելի խորն է եվրոպական ինտեգրումը, այնքան ավելի խիստ է պետք հետևել քաղաքացիների օրինական բնակության կանոններին։ Նրա խոսքով` դրանից է կախված` կգործարկի արդյո՞ք Եվրամիությունը Հայաստանի հետ առանց վիզայի ռեժիմը։
«Այստեղ մեր առջև մի շարք խնդիրներ կան։ Մենք եվրոպացի գործընկերների հետ դրանք առանձին համաձայնագրով կձևակերպենք`«ճանապարհային քարտեզի» տեսքով», – հավելեց նա։
Ընդ որում, համաձայնագրի պահանջները վերաբերելու են ոչ միայն միգրացիոն հարցերին, այլ նաև փաստաթղթերի պաշտպանվածության աստիճանին կամ ոչ լեգալ միգրանտների հետ վերադառնալուն։ Այստեղ մի շարք դատաիրավական բարեփոխումներ են լինելու։
«Ամենայն հավանականությամբ, պահանջները կլինեն նույնը, ինչ Ուկրաինայի, Վրաստանի ու Մոլդովայի համար։ Այդ ժամանակ այս ճանապարհը կարելի է անցնել մեկուկես տարում», – հավելես Եգանյանը։
Առանց վիզայի ռեժիմի ճանապարհային քարտեզն, ամենայն հավանականությամբ, առանձին համաձայնագրով կկազմեն, որը կհիմնվի ՀՀ-ԵՄ Համապարփակ և ընդլայնված գործընկերության համաձայնագրի վրա։ Վերջինս համաձայնագիրը ստորագրվել է նոյեմբերի 24–ին Բրյուսելում։
Հայաստանն արդեն բանակցություններ է վարում ԵՄ երկրների հետ` վերադարձվող անլեգալների ֆինանսական աջակցության վերաբերյալ։ Հիմա դեռ մեկ համաձայնագիր է գործում` 2014 թվականին Նիդեռլանդների կառավարությունը համաձայնել է 100 վերադարձողին մինչև 1000 եվրո տալ` Հայաստանում հիմնավորվելու համար (մասնագիտական կրթություն, փոքր բիզնեսի հիմնում, անասունի գնում և այլն)։
2014 թվականից Շենգենյան գոտու եվրոպացիները (ԵՄ 27 երկիր, նաև Նորվեգիա, Շվեյցարիա, Իսլանդիա ու Լիխտենշտայն) արդեն առանց վիզային են Հայաստան գալիս, իսկ Հայաստանի քաղաքացիները ԵՄ վիզա են ստանում պարզեցված կարգով։
