ԵՐԵՎԱՆ, 8 Դեկտեմբեր — Sputnik. Այսօր՝ դեկտեմբերի 8-ին, ժամը 10:30-ի սաhմաններում Բագրատունյաց փողոցում բախվել են Volkswagen մակնիշի 35 FQ 855 համարանիշի և Toyota Corolla մակնիշի 540 II 01 համարանիշի ավտոմեքենաները: Այս մասին տեղեկացնում է Shamshyan.com—ը։
Նախնական տվյալներով՝ վթարի հետևանքով զոհեր և վիրավորներ չկան, իսկ Toyota-ն էլ մխրճվել է ճանապարհի թույլատրելի հատվածում կայանված КамАЗ- մակնիշի 68 ՕՕ 218 համարանիշի ավտոմեքենայի մեջ՝ մինչ այդ բախվելով նույնպես ճանապարհի թույլատրելի հատվածում կայանված Mercedes E280 մակնիշի 71 QP 777 համարանիշի ավտոմեքենային:
Toyota Corolla-ն հաշվառված է Ճանապարհային Ոստիկանության հաշվեկշռում: Փաստի առթիվ Ճանապարհային Ոստիկանության ճանապարհատրանսպորտային պատահարների գործերով հետաքննության և վարչական վարույթի իրականացման բաժանմունքում նյութեր են նախապատրաստվում: Ոստիկանությունը պարզում է վարորդների ինքնությունը:
