ԵՐԵՎԱՆ, 8 դեկտեմբերի – Sputnik. Անգլիական «Մանչեսթեր Յունայթեդի» գլխավոր մարզիչը կարող է բերել «Ինտերի» կիսապաշտպան Ժուան Մարիուին` նա փոխարեն փոխանցելով հայ կիսապաշտպան Հենրիխ Մխիթարյանին, գրում է The Sun պարբերականը։
Հղում անելով իտալական Corriere dello Sport թերթին` պարբերականը գրում է, որ «Մանչեսթր Յունայթեդը» արդեն առաջարկել է «Ինտերին» Խունա Մատային ու հավելյալ գումար։
Սակայն, իտալական ակումբը, թերթի վարկածի համաձայն, հետաքրքրված է Մխիթարյանով։
Այդպիսի տարբերակը մանկունյանցիների համար ևս ընդունելի է, քանի որ վերջերս Մխիթարյանի ելույթները «կարմիր դևերի» համար այդքան էլ արդյունավետ չեն։
Որոշ անգլիական ԶԼՄ–ների տեղեկությունների համաձայն` հենց ինքը` հայ ֆուտբոլիստը, դժգոհ է Մուորինյոյի վերաբերմունքից ու ուզում է Դորմունդի «Բորուսիա» վերադառնալ։
«Ինտերի» և «Մանչեսթեր Յունայթեդի» պաշտոնական բանակցությունների մասին դեռ ոչ մի տեղեկություն չկա։ Ակումբների ներկայացուցիչները փոխանակման հնարավորությունը միջնորդների միջոցով են քննարկում։
Corriere dello Sport պարբերականը նաև հայտնում է, որ իտալացիները նման առաջարկ ունեն ՊՍԺ–ի հետ փոխանակման վերաբերյալ։ Փարիզեցիները պատրաստ են պորտուգալացուն վերցնել` գործարքի մեջ ներառելով Խավիեր Պաստորեին։
Ժուան Մարիոն այս խաղաշրջանում «Ինտերի հիմնական խաղացող չէ։ Նա Իտալիայի առաջնությունում 11 խաղի է մասնակցել։ Նրա պայմանագրի ժամկետը լրանում է 2021 թվականի կեսին։ Պորտուգալացու տրանսֆերի համար անցած տարվա ամռանն «Ինտերը» «Սպորտինգին» 40 միլիոն եվրո է վճարել։
