Շիրակ Թորոսյան կարևորում է նախաձեռնությունը, բայց չափազանց ուշացած է համարում՝ նշելով, որ Վրաստանի հայաբնակ շրջանները պետք է նման հարց բարձրացնեին անմիջապես ԽՍՀՄ փլուզումից և Վրաստանի անկախացումից հետո:
Թորոսյանը նաև հիշեցնում է, որ ժամանակին վրացահայերի նման փորձը կանխեցին վրացի պատգամավորները, որոնք թույլ չեն տվել, որ հարցը հասնի երկրի խորհրդարան:
«Յուրաքանչյուր հայ մարդ իր գենով է կրում այդ ցավը, և հայի կողմից Ցեղասպանության ճանաչումը, կարծում եմ, այսօր այնքան էլ ճիշտ չէ»,- ասաց Թորոսյանը՝ հավելելով, որ հայերը պետք է ձգտեն այնպես անել, որ աշխարհը ճանաչի Ցեղասպանությունը:
«Վրաստանի հայրենասերների դաշինք» կուսակցությունից Ախալքալաքի Շրջանային ժողովի պատգամավոր Սամվել Պետրոսյանն ավելի վաղ հայտնել էր, որ Վրաստանի խորհրդարանի պատգամավորների մեծամասնությունը պատրաստ է բանավոր ճանաչել Հայոց ցեղասպանությունը, նրանք սրտանց կարեկցում են հայ ժողովրդին։
