ԵՐԵՎԱՆ, 6 դեկտեմբերի — Sputnik. Ռուսաստանի առաջնորդ Վլադիմիր Պուտինը ելույթ է ունեցել «Ռուսական կամավոր 2017» մրցանակաբաշխության արարողության ժամանակ և պատասխանել հաջորդ ընտրություններին իր թեկնածությունն առաջադրելու հարցին։
Կամավորներին հետաքրքրող հարցին նախագահը պատասխանել է` ես միշտ ձեզ հետ եմ։
Հաղորդավարը ճշտելու համար նորից է հարցրել` Պուտինն իր թեկնածությունն առաջադրելու է, թե ոչ։
«Ցանկացած մարդու համար դա պատասխանատու որոշում է։ Այդ կապակցությամբ ե՛ս ձեզ հարց ունեմ։ Եթե ես որոշում կայացնեմ, դուք ինձ կսատարե՞ք»,- հարցրել է Պուտինը։
Կամավորները պատասխանել են բուռն ծափողջյուններով։
ՌԴ նախագահի հերթական ընտրությունը կկայանա 2018 թվականի մարտին, քարոզարշավը կմեկնարկի դեկտեմբերին։
Վլադիմիր Պուտինը ՌԴ նախագահի պաշտոնը զբաղեցրել է 2000 թվականի մարտի 7-ից 2008 թվականի մայիսի 7-ը, այնուհետև` 2012 թվականի մայիսի 7-ից մինչև այսօր։
