ԵՐԵՎԱՆ, 4 դեկտեմբերի — Sputnik. Հալեպում վերականգնել են սբ. Գրիգոր Լուսավորչի եկեղեցուն առընթեր համանուն վարժարանը։ Այդ մասին հաղորդում է Մեծի տանն Կիլիկիո կաթողիկոսության թեմի «Գանձասար» շաբաթաթերթը։ Դպրոց և եկեղեցի այցելած թերթի թղթակիցներին արքեպիսկոպոս Պետրոս Մխիթարյանը ցույց է տվել, թե ինչ հետևանքներ են թողել գնդակոծությունները։
«Քաղաքն ազատագրելուց հետո սկսել են վերանորոգել առաջին հերթին դպրոցը, որպեսզի աշակերտները կարողանան շարունակել ուսումը», — գրում է պարբերականը։
Միայն դրանից հետո կվերականգնվի եկեղեցին, որը նույնպես խիստ տուժել է հրթիռային հարվածներից։
