ԵՐԵՎԱՆ, 4 դեկտեմբերի — Sputnik. Աշխարհի մի շարք երկրներում դեկտեմբերի 4-ը համարվում է Ձմեռ պապին նամակ գրելու օր։
Նոր տարվա նախաշեմին փոստային բաժանմունքները սկսում են ընդունել Ձմեռ պապին հավատացող մարդկանց նամակները, որոնցում ամփոփված են նրանց ցանկություններն ու երազանքները։
Որոշ երկրներում հատուկ փոստային բաժանմունքներ են բացվում, որտեղ երեխաներն ու նրանց ծնողները կարող են բաղձալի նվերի մասին նամակ ուղարկել հրաշագործ պապիկին։
Ամանորին արդեն հաշված օրեր են մնացել, և դեկտեմբերի 3-ից 31-ն ընկած ժամանակահատվածը լիովին բավարար է, որ նամակները հասնեն հասցեատիրոջը։
