ԵՐԵՎԱՆ, 4 դեկտեմբերի — Sputnik. Դեկտեմբերի 4-5-ը սպասվում է առանց տեղումների եղանակ, դեկտեմբերի 6-ին՝ օրվա երկրորդ կեսին, 7-ին, 8-ի գիշերը շրջանների զգալի մասում, 8-ի ցերեկը հարավային շրջաններում սպասվում են տեղումներ, լեռնային շրջաններում՝ ձյան, հովտային և նախալեռնային շրջաններում՝ թաց ձյան և ձնախառն անձրևի տեսքով: Այս մասին հայտնում է «Հիդրոմետ» ծառայությունը։
Քամին կլինի հարավարևմտյան` 3-8 մ/վ արագության:
Օդի ջերմաստիճանը դեկտեմբերի 4-ին էապես չի փոխվի, 5-ի և 6-ի գիշերը կբարձրանա 4-5 աստիճանով, 6-ի ցերեկը, 7-8-ը՝ կնվազի 5-7 աստիճանով:
Երևանում դեկտեմբերի 4-5-ը, 8-ի ցերեկը սպասվում է առանց տեղումների եղանակ, 6-ին՝ օրվա երկրորդ կեսին, 7-ին, 8-ի գիշերը ժամանակ առ ժամանակ սպասվում են տեղումներ՝ բարձրադիր հատվածներում՝ ձնախառն անձրևի, ցածրադիր հատվածներում՝ անձրևի տեսքով:
Այսօր` դեկտեմբերի 4-ին, մայրաքաղաքում ցերեկային ժամերին օդի ջերմաստիճանը կկազմի 10-12 տաքություն, գիշերային ժամերին` —1 աստիճան ցրտից 1 աստիճան տաքություն։
