Տնտեսագետ Ատոմ Մարգարյանը Sputnik Արմենիայի հետ զրույցում մեկնաբանել է այս աղյուսակը։
«Կարելի է ասել` հավաստի է, այնքանով, որքանով երկրները դասակարգվում են ըստ բարեկեցության ցուցանիշի։ Սրանք ոչ միայն տնտեսական, այլև սոցիալական և էկոլոգիական ցուցանիշներն են։
Շատ կարևոր է նաև երկրներին համեմատության մեջ տեսնելու պատկերը։ Որովհետև այս ինդեքսները ցույց են տալիս ընդհանուր արժեչափերի համակարգում երկրների հարաբերական դիրքերը։ Սրանք սոսկ հետազոտական կամ ակադեմիական ցուցանիշներ չեն, այն ունի նաև գործնական կարևոր նշանակություն»,–ասաց տնտեսագետը։
Ըստ այս հետազոտության` ամենաբարեկեցիկ երկրների շարքում են սկանդինավյան երկրները, Ավստրալիան, Նոր Զելանդիան, Նիդեռլանդները, Սինգապուրը, Կանադան, Շվեյցարիան։ Ամենավատ պայմաններում են ապրում Չադում, Աֆղանստանում, Սուդանում, Կենտրոնաաֆրիկյան Հանրապետությունում, Եմենում, կարծում են հեղինակները։
