ԵՐԵՎԱՆ, 4 դեկտեմբերի — Sputnik. Ռեստորանային համալիրից արջին կենդանաբանական այգի տեղափոխելու համար դիմել են փրկարարների օգնությանը: Այս մասին հայտնում է ՀՀ արտակարգ իրավիճակների նախարարությունը` նշելով, որ գերատեսչությունն այս մասին տեղեկություն է ստացել դեկտեմբերի 4-ին, ժամը 09:08-ին։
Երևան քաղաքի Ջանիբեկյան փողոցի թիվ 2 հասցեում գտնվող ռեստորանային համալիր է մեկնել հատուկ նշանակության փրկարարական աշխատանքներ իրականացնող կենտրոնի փրկարարական ջոկատը:
Փրկարարներն արջին տեղափոխել են կենդանաբանական այգի:
