ԵՐԵՎԱՆ, 3 դեկտեմբերի — Sputnik. Օլիմպիական խաղերի փոխչեմպիոն, ըմբշամարտի Հայաստանի հավաքականի անդամ Միհրան Հարությունյանը Instagarm-ի իր էջում տեսանյութ է հրապարակել, որում նա, անտեսելով ցուրտը, մտնում է սառը լիճն ու լողում։
Նրա էջի բաժանորդների արձագանքը, ինչպես միշտ, չի ուշացել։ Օգտատերերից մեկը գրել է, որ «քանի դեռ Միհրանը լողում էր, մյուսները տաք բաճկոններ հագած` մեռնում էին ցրտից»։
Նշենք, որ հունահռոմեական ոճի ըմբիշ Միհրան Հարությունյանն այս տարվա օգոստոսի 30-ին ամուսնացել է աբխազ երգչուհի և պարուհի Բեբիա Մակտինայի հետ։
Հայտնի մենեջեր Ռիզվան Մոգոմեդովն ավելի վաղ հայտնել էր, որ անվանի ըմբիշը շուտով հանդես կգա խառը մենամարտերում (MMA):
