ԵՐԵՎԱՆ, 3 դեկտեմբերի — Sputnik. Թուրքիայում անթույլատրելի են համարում, որ տղամարդիկ սև ներկեն իրենց մազերը։ Երկրի կրոնական հարցերով վարչությունը արգելք է սահմանել տղամարդկանց համար։ Այս մասին հայտնում է ՌԻԱ Նովոստին։
«Մազերը, մորուքը կամ բեղերը ներկելը թույլատրվում է, եթե մարդկանց խաբելու նպատակ չկա։ Բայց իսլամի կանոններով, տղամարդկանց արգելվում է մազերը սև ներկել։ Անթույլատրելի է»,- նշված է հայտարարության մեջ։
Արգելք է սահմանվել նաև «մեղք տարածող» երաժշտության և այնպիսի աշխատավայրում աշխատելու համար, որտեղ ալկոհոլ է վաճառվում։ Բացառություն կհամարվի միայն դեպքում, եթե աշխատելու այլ հնարավորություններ չկան։ Ավելի վաղ այս վարչությունն իսլամի տեսանկյունից անտեղի էր համարել նաև բիտկոինով իրականացվող գործարքները։
