ԵՐԵՎԱՆ, 3 դեկտեմբերի – Sputnik. Հայտնի երգչուհի Սյուզան Մարգարյանը «Ամանոր» երգի հիման վրա տոնական տեսահոլովակ է նկարահանել: Նկարահանման հարթակում է եղել նաև նրա դուստրը` Սիրուշոն, որը հետաքրքիր տեսանյութ է հրապարակել Instagarm-ի իր էջում։
«Նկարահանում էինք «Ամանոր» երգի տեսահոլովակը! Այս անգամ նկարահանման տաղավարում արտառոց աշխատանքային պայմաններ էին)), սակայն սա մեր ամենաբարի ու ջերմ նկարահանումներից էր, որի ընթացքում մեր ողջ նկարահանող խումբը վերածվել էր պրոֆեսիոնալ մանկավարժների»,- գրել է երգչուհին:
Տեսանյութում երևում է, թե երիտասարդ երգչուհին ինչպես է վազվզում փոքրիկների հետևից, հյուսում նրանցից մեկի մազերը։
