Շաբաթվա մարդիկ. Երևանը սիրող հայերն ու հայերին սիրող օտարները

Ալեքսանդր Ցինկեր

1975 թվականին ավարտել է Երևանի պոլիտեխնինական ինստիտուտի տեխնիկական կիբեռնետիկայի ֆակուլտետը։ 2005 թվականից ընտրական համակարգերի միջազգային փորձագետական կենտրոնի նախագահն է։

- Ասում են՝ փոքր ժամանակ ուզում էի առողջարանի հանգստացող դառնալ։

Ապագայում պարոն Ցինկերը ցանկանում է իր հարազատներին առողջ տեսնել ու չկորցնել հետաքրքությունը կյանքի նկատմամբ։

Ասյա Հովհաննիսյան

Սովորում է Վ. Բրյուսովի անվան լեզվաբանական համալսարանի միջմշակութային հաղորդակցություն ֆակուլտետում:

-Երբ փոքր էի, ցանկանում էի բանկում աշխատել:

Գևորգ Հայրապետյան

2007 թ-ին ավարտել է ԵՊՀ իրավագիտության ֆակուլտետը, 2015թ-ին ուսանել է Եվրոպական ուսումնասիրությունների կենտրոնի մագիստրատուրայում: Շուրջ 2 տարի է` Արդարադատության նախարարության անձնական տվյալների պաշտպանության գործակալության վարչական վարույթների իրականացման բաժնի պետն է:

-Երբ փոքր էի, 3 ցանկություն ունեի՝ դառնալ հնագետ, աստղաֆիզիկոս և իրավաբան:

Ապագայում ցանկանում է ինչ-որ մի միջազգային կառույցում աշխատել, օրինակ՝ լինել դատավոր Մարդու իրավունքների եվրոպական դատարանում:

Ֆոլկեր Էբել

Ավարտել է Գերմանիայի Արտաքին գործերի նախարարության համալսարանը։ Շուրջ 31 տարի է, ինչ աշխատում է Գերմանիայի արտաքին գործերի նախարարությունում:

-Երբ փոքր էի, ցանկանում էի երեխաների բժիշկ լինել:

Ապագայում ցանկանում է, որ իր ընտանիքի բոլոր անդամները երջանիկ լինեն:

Լուսինե Մարգարյան

1992 թ-ին ավարտել է Հայկական պետական մանկավարժական համալսարանի կուլտուրայի ֆակուլտետի թատրոնի ռեժիսուրայի բաժինը, ապա ուսանել է Սանկտ Պետերբուրգի պետական համալսարանի ասպիրանտուրայում՝ հանրային կապերի ամբիոնում: Շուրջ 2 տարի է՝ ՀՀ կրթության նախարարի մամուլի խոսնակն է:

-Երբ փոքր էի, ցանկանում էի դերասանուհի դառնալ:

Ապագայում ցանկանում է իր սեփական հեռուստահաղորդումն ունենալ:

Մարիա Ափոյան

Սովորում է Վ. Բրյուսովի անվան լեզվաբանական համալսարանում:

-Երբ փոքր էի, ցանկանում էի թագուհի դառնալ:

Ապագայում ցանկանում է իրավաբան լինել և սեփական իրավաբանական գրասենյակ ունենալ:

Բարուխ Բեն Ներիա

Թել Ավիվի համալսարանում պատմություն է ուսումնասիրել, հետո Երուսաղեմի համալսարանում դոկտորական թեզ է պաշտպանել։ 1993-96 թվականներին Հայաստանում ու Վրաստանում Իսրայելի դեսպանն է եղել։ Հիմա ԱՊՀ ու հարավային Եվրոպայի երկրների ընտրական գործընթացների դիտորդների միջազգային կազմակերպության անդամ է։ Տարբեր հետազոտություններով է զբաղվում, միջազգային ահաբեկչության մասին դասախոսություններ է կարդում։

-Ես սպորտով էի զբաղվում, լավ լողորդ էի։ Հետո վոլեյբոլով եմ զբաղվել, նույնիսկ վոլեյբոլի Իսրայելի հավաքականում էի խաղում, սակայն միշտ ուզում էի պատմաբան դառնալ։

Ապագայում պարոն Ներիան ուզում է իր գրքերն ավարտին հասցնել։