ԵՐԵՎԱՆ, 3 դեկտեմբերի — Sputnik. Ռուսաստանի Նովոսիբիրսկի մարզի Ստոպնոյ գյուղում բնակելի տան հրդեհի հետևանքով մահացել է 5 երեխա: Այս մասին տեղեկացնում է ՌԻԱ Նովոստին՝ հղում անելով ՌԴ արտակարգ իրավիճակների նախարարությանը:
Հրդեհը բռնկվել է վաղ առավոտյան, ծխի հոտը զգացել են հարևանները, շտապել դուրս և տեսել, որ հարևանների տունն այրվում է:
Տան տերը հասցրել է դուրս փախնել շենքից, ավելի ուշ դեպքի վայր են ժամանել հրշեջ-փրկարարական ջոկատներ: Տան ներսում մնացել են մեկուկեսից մինչև 7 տարեկան 5 երեխա, որոնց փրկարարները գտել են մահացած վիճակում:
Նախնական տվյալներով՝ հրդեհի պահին տանը եղել են տան տերն ու նրա 5 երեխաները՝ 5 և 7 տարեկան դստրերը և 3 որդիները՝ մինչև 3 տարեկան:
Ենթադրվում է, որ երեխաները մահացել են հրդեհի բռնկման առաջին իսկ րոպեներին: