ԵՐԵՎԱՆ, 3 դեկտեմբերի – Sputnik. «London Chess Classic»-ի երկրորդ տուրում աշխարհի գործող գավաթակիր Լևոն Արոնյանը ոչ-ոքի արդյունքով ավարտեց Ֆաբիանու Կարուանայի հետ խաղը։
Արոնյանը սև խաղաքարերով էր մրցում ԱՄՆ ներկայացուցչի հետ: Պարտիայի 31-րդ քայլին գրոսմայստերները համաձայնեցին կիսել միավորը:
Մրցաշարը մեկնարկել է դեկտեմբերի 1-ին և կընթանա մինչև դեկտեմբերի 11-ը։ Մրցանակային ֆոնդը կազմում է 300.000 ԱՄՆ դոլար:
«London Chess Classic»-ի գործող չեմպիոնը ԱՄՆ ներկայացուցիչ Ուեսլի Սոն է:
