ԵՐԵՎԱՆ, 3 դեկտեմբերի — Sputnik. Ախալցխայի սակրեբուլոյի պատգամավոր Համբարձում Բաբոյանի մեքենայի մոտ երեկ երեկոյան պայթյուն է որոտացել: Ականատեսների խոսքով, պայթյունի ժամանակ մեքենայի մոտ մարդ չի եղել: Այս մասին հայտնում է akhaltskha.net-ը։
Դեպքը տեղի է ունեցել Ասպինձայի անվան փողոցում` սպորտդպրոցի մոտ, երեկոյան ժամերին:
Պայթյունի ժամանակ Համբարձում Բաբոյանը եղել է մարզադպրոցի շենքում, և ոչ մեկը չի վնասվել: Դեպքի վայրում աշխատում են ոստիկանները:
Ներքին գործերի նախարարությունը քրեական գործ է հարուցել ՔՕ 187-րդ հոդվածի երկրորդ մասով (մեկ այլ անձի գույքը վնասել):
Ախալցխայի հասարակությանը մտահոգել է այս պայթյունը, և մարդիկ սպասում են հետաքննության արդյունքներին։
